Йижарий-Вежарий! Сан махкахой! Нохчийчохь, Г1алг1айчохь берш а, аренца лéларш а! Шу Дала маьрша леладойла!
..Чиллан беттан 23-г1а де.. 23-г1а февраль.. Совет-1едало Вайнах махках баьхна де. Вайн Иэсера 1аьржачу денойх цхьаъ.
Бехачу новкъахь а, д1акхаьчначул т1аьхьа а мацаллой, шелоной, цамгаршший к1ела битар бахьана долуш кхелхина цхьаберш, дийна биснарш шайн лазамца бàха бисина.
Царна халонаш гина. 1азап текхина цара. Дуьне доххал боккха бала боьссина хилла церан синошка-дог1машка...
Дала гечдойла беллачарна! Дала гечдойла вайн г1аскхешца хиллачу шинна а т1ам т1ехь эгначарна !!!
Дала Г1азот Къобал дойла церан!
Дала диканца-сихонца къацахетарийн карара бохийла оьрсийн набахтешкахь болу вайн йижарий-вежарий !
Дала Кхетавойла вайн мостаг1а!
Собар-Ларам-Машар-Къинхетам-Марзо-вовшех Дàшар-лойла вайн Цу Везачу Дала...
Цхьамма а, цкъа а кхин лаза ма дойла вай ! Ма лазадойла вай вовше а !
Ма хаьрцийла вайн б1аьвнаш. Ма йогийла вайн х1усамаш.
Ма чахчдойла вайн дегнаш. Ма доьлхийла вайн г1елделла б1аьргаш.
Ц1еналло вайн Ойланаш серла а йохуш,
Эрчo вайн амалашна гена а юьйлуш,
Безачеран вуо ца гуш,
Иман - Беркат доьзалaшкахь лаьтташ,
Дехийла-кх вай дуккха а шерашкахь...
Дала шена лаамца цхьа БАРТ бина,
Баланех-Сингаттамех, Зенех-зуламех
Лардина, Hийсачу-Cирлачу Hовкъа 
Доккхийла вайн жима-хаза-оьзда къам!
Дала шена Боккха Къинхетам хьалха а баьккхина, 
Ц1адерзадойла вайн Дуьне мел ду даьржина лела,
Хаддаза Даймахке сатуьйсу, Синош!

(Бирлант)
________________________________________________
(сурт диллинарг Яхиханов Рустам ву)